TEST: Aningaasaqarnermut immikkoortortamut AC-mik pissarsiorneq
Sisimiut, Suliffik tamakkiisoq
Atorfik pillugu
Kommunip BI-mik sullississutaa aningaasaqarnikkut paasissutissanik qajannaatsumik annertuunut tunniussisinnaareerpoq - kisianni nalunngilarput, suliffeqarfimmi katitigaasumi piusumut tamakkiisumut paasinnissagaanni suli annertunerusariaqartoq. Taamaattumik illit ingerlatsiviit sisamaasut suleqatigalugit pingaarnertut suliassarissavatit, ullumikkut amigaataasut - piukkunnaatilinnik aalajangisinnaasumillu pisariaqartuusut aningaasaqarnikkut paasissutissat paasissallugit, ineriartortissallugit sanarfissallugillu.
Ingerlatsiviit aaqqissugaanerisa, ingerlatseriaasiissa, suliassanillu suliarinnittarnerisa aamma paasissutissat qanoq sumillu siunertaqarluni katersorneqassanersut misissornissaannut qitiusumik inissisimaffeqassaatit. Kommuni akimorlugu siammasissumik sulissaatit aammalu isumaqarluartumik takunnissinnaassuseqarluni aningaasaqarneq ingerlatsinerlu ataqatigiisissinnaassavatit.
Suliassatit ilaatigut makkuninnga ilaqassapput:
- Aningaasaqarnermut aningaasaqarnermuunngitsorlu pissutsini ukkataqartumik aningaasaqarnermut pisortamik ingerlatsivinnillu suleqateqarluni misisssuisarnernik ineriartortitsineq
- Pisariaqartitanik aamma kisitsisinik pingaarnernik paasissutissaqarfinnillu paasinninniarnermut aqutsisunik ingerlatsivinnilu sulianik suliaqartunik oqaloqateqarneq
- Siunissami paasissutissanik katersisarnissamut misissuisarnissamullu ilutsimik atuilluartuusumik atorneqarsinnaasumillu sanarfinermut peqataaneq
- Qullersaqarfimmut politikerinullu nalunaarusianik, saqqummiussassanik aalajangiussassanillu suliaqarneq.
Misissuinerit siammasissuussapput - illit suliassarissavat ullumikkut paasissutissanik takusinnaasanillu amigaataasuni takunnissinnaanermik imminnullu ataqatigiinnerinik pilersitsineq.
Naatsorsuutigaarput:
- Ilinniagartuutut naleqquttumik ilinniagaqarsimassaatit
- Aningaasaqarnermut, ingerlatsinerup aamma suliffeqarfimmi ineriartortitsinerup akornanni akimortumik suliaqarsinnaanermut soqutigisaqartuusoq
- Misissueqqissaanermi isiginnittariaaseqarluartoq annertussutsinillu periutsinik aamma aalajangiinissami ingerlasut paasissutissanik ingerlanneqartuusunik misilittagaqartooq
- Immikkoortortaqarfinni assigiinngitsuni sulisinnaasoq apeqqutinillu eqqortunik aperisartuusoq
- Tulleriaarilluni sulisinnaasoq aamma annikitsukkuutaanut tamakkiisunullu takunnissinnaasoq
- Excel ajornanngippallu Power Bi assigisaanillu sakkussanik suliaqarsinnaasoq
- Kalaallisut, danskisut tuluttullu oqalussinnaallunilu allassinnaasoq
Neqeroorutigaagut:
- Atorfik annertuumik nammineerfiusoq sunniuteqarluartorlu
- Aningaasaqarnermut pisortamik qanittumik isumasiorfiusoq aamma suliffeqarfimmi ersarissumik naqissusiisinnaasoq
- Kommunip aqutsisuinik sulisunillu ilinniagalinnik akimortumik suleqateqarneq
- Aningaasarsiatigut atorfinitsitaanermilu atugassarititaasut piginnaasat aamma Naalakkersuisut kattuffiullu isumaqatiginninniarsinnaatitaasup isumaqatigiissutaat atuuttoq naapertorlugu pissapput
- Malittarisassat atuuttut malilugit inissaqarsinnaanermut periarfissaqarpoq
Sukumiinerusumik paasisaqarusuppit?
Aningaasaqarnermut pisortaq Peter Munch Eriksen email pmer@qeqqata.gl oqarasuaalluunniit +299 24 3253 atorlugit attaveqarfigiuk.
Qinnuteqarnissamut piffissaliussaq: 13. juni 2025 (1.8.2025 atorfinitsitsinissaq naaatsorsuutaavoq)
Qinnuteqaat, imminut ilisaritinneq, soraarummeersimanermut uppernarsaatit ilanngussallu attuumassutillit AC - Aningaasaqarnermut immikkoortortaq-mik ilisarnaasikkat nassiunneqassapput.
Qinnuteqarnissamut killissarititaasoq: juunip 13.-at, 2025