Test: Niaqornarsuk-Atuarfik Kristian Lundblad atuarfiup aqutsisussamik ilinniartsitsisuutingisussarsior-poq

Niaqornaarsuk/Kangaatsiaq, Suliffik tamakkiisoq

Atuarfik Kristian Lundblad Niaqornaarsuk atuarfiup aqutsisussaanik ilinniartitsisuutigisussamik pissarsiorpoq

Kommune Qeqertalik Niaqornaarsuk, Kangaatsiap atuarfiata ataani aqunneqartumi Atuarfik Kristian Lundbladimi ulluinnarni atuarfiup aqutsisussaanik ilinniartitsisumik pissarsiorpoq. Ilinniartitsisoq aqutsisuutigisoq fagini assigiinngitsuni danskisut tuluttullu aamma fagini allani akullerni angajullernilu atuartitsisinnaasoq.

1. august. 2025 atorfinittussamik allatulluunniit isumaqatigiissuteqarnikkut.

Qinnuteqarfissaq kingusinnerpaamik 26. maj 2025

Atuarfik Kristian Lundbladimi atuartut 1.- 9.kl 30 missaaniipput klassinut ukioqatigiinngitsunut 5-nut agguarsimallutik.

Atuarfiit atuartitsinikkut suleqatigiinnikkullu assigiinngitsutigut ineriartuleruttorfimmiippoq, ineriartortitserusuttullu suleqataaffigerusukkukkit qinnuteqarit. Annertunerusumik paasisaqarusunnermi atuarfiup pisortaanera saaffigineqarsinnaavoq: Sussi Adelholm tlf: +299 872138 e-mail: suad@qeqertalik.gl

Atorfinitsitaanneq pissaaq Kalaallit Nunaanni Naalakkersuisut aamma Ilinniartitsisut Meeqqat Atuarfianneersut Kattuffiata, IMAK-ip isumaqatigiissutaat naapertorlugu. Qinnuteqartut, Kalaallit Nunaanni tjenestemand-itut atorfillit, atorfinitsitinneqarnerminni pigiinnassuaat.

Akissaatit- atorfinitsitaanermillu pissutsit, taakkununnga ilaallutik atorfininnermi angalaneq pequtaanillu tikisitsinermi pisinnaatitaaffiat pissooq Kalaallit Nunaanni Naalakkersuisut aamma Ilinniartitsisut Meeqqat Atuarfianneersut Kattuffiata, IMAK-ip isumaqatigiissutaat tunngavigalugu.

Atorfinitsitaaneq aamma pisinnaavoq "Ukiunut aalajangersimasunut immikkut atugassaqartitaalluni" Kalaallit Nunaanni Namminersorlutik Oqartussat aamma IMAK-ip isumaqatigiissutaat naapertorlugu, aammattaaq 1. april 1991-imi tunngaviusumik ukiumut 18.000 kr-nik aningaasartaliivigineqarsimasut, 1. April 2017 20.253,72 kr-nngorsimasut, tunuarnermi tunniunneqartarlutik, kiisalu atorfeqartumut ilaqutaanullu ukiukkaartumik sulinngiffeqarnermi angalanermi akiliunneqartarlutik.

Meeqqanik pinerliisimannginnermut aammalu pineqaatissinneqarsimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.

Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Inissaq:

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: ini@ini.gl.

Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu A-skat sulitilluni ajunngittorsianut akileraartoqartassaaq inatsit atuuttoq naapertorlugu.

IMALUUNNIIT Qaqugukkut atorfik aqqutigalugu inissamik tunisinnissaq apeqqutaalluni atorfimmi aallartinnissaq aaqqinneqarsinnaavoq. Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.

Atorfeqarnerup uninnerani, atorfik aqqutigalugu inissiaq qimanneqassaaq.

Qinnuteqarneq:

Qinnuteqaatinik mail-ikkut allakkatigullu tigusineq ajorpugut.

Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu.

"Atorfik una qinnuteqarfigiuk" toorlugu ikkunneqassapput.

Qinnuteqaatit nassiunnerini ajornartorsiuteqaruit hr@qeqertalik.gl attavigiuk.

Qinnuteqaatissat tigunissaanut qilanaaraarput.

Qinnuteqarnissamut killissarititaasoq: maajip 26.-at, 2025